2021 жылдың 27 сәуірінде Нұр-Сұлтан қаласы Білім беруді жаңғырту орталығы мен Нұр-Сұлтан қаласы әкімдігінің «№3 арнайы мектеп» КММ ұйымдастыруымен «Ерекше білім беру қажеттілігі бар бастауыш сынып оқушыларын оқыту мен тәрбиелеудегі түзету бағыттары» тақырыбында қалалық вебинар өтті.
Вебинар модераторы: Нұр-Сұлтан қаласы Білім беруді жаңғырту орталығының әдіскері Л.Х.Байманова;
Спикерлер:
№ 3 арнайы мектептің дефектолог-мұғалімі С.Х.Аубакирова; педагог-психологы А.Т. Канафина; бастауыш сынып мұғалімі К.Ж.Байкенжеева;
№ 2 арнайы мектептің орыс тілі мұғалімі, дефектолог А.М.Исабекова; бастауыш сынып мұғалімі, дефектолог А.Х.Омбаева; ӘТБ мұғалімі Г.С.Сагнаева;
№1 арнайы мектеп-интернатының тәрбиешісі М.А.Старовойтова; бастауыш сынып мұғалімі А.С.Тулеубекова;
№5 ПМПК дефектолог-мұғалімі Н.А.Ермоленко;
Вебинар қатысушылары келесілермен танысты:
-даму тапшылығы мен оқыту қиындығын еңсеру үшін қажетті оқушылардың түзету-дамыту сабақтарын қалай дұрыс ұйымдастыру және өткізу керек;
-баланың ерекше оқыту қажеттілігіне сәйкес оның дамуына тиімді әдіс-тәсілдері;
Түзету жұмысының жалпы принциптері және қағидаларымен танысты:
- әр оқушыға жеке көзқараспен қарау;
- әртүрлі тәсілдерді пайдалана отырып баланы шаршатпауға тырысу (ақыл-оймен жұмыс істеу және практикалық іс-әрекетті ауыстырып отыру, материалды аздап беру, қызықты және түрлі-түсті дидактикалық материалдарды және көрнекіліктерді пайдалану);
- педагогикалық әдептілік таныту; кішкене жетістіктерін үнемі жақсы сөзбен марапаттау, әр балаға дер кезінде және әдепті түрде көмек көрсету, оның өз күшіне өзі сенімін арттыру;
- Сондай-ақ , даму кемістігі бар балалардың эмоциялық және когнитивтік саласына түзетуге әсер ететін тәсілдермен:
- ойын жағдайында;
- түлері мен ұқсастық белгілері бар заттарды іздеуге байланысты дидактикалық ойындар;
- басқа адамдармен қарым қатынас жасауды дамытуға ықпал ететін ойын тренингтері;
- бұлшық еттерінің қысылуын босатуға жол беретін психикалық және демалтатын жаттығулар.
Вебинардың аяқталуында қатысушыларға онлайн-сұрақ-жауап ұсынылды (Google Форм көмегімен).
